« Seront vendut ains vo retour. »
Dist cilz : « Diex vous doinst hui bon jour,
« Belle hostesse, par saint François ! f. 89 d
« Tenés ; vous en arés, ançois
« Que je les vende, vostre part. »
Adonques largement l’en part
Et l’en voloit encores rendre,
Mais Fromonde n’en volt plus prendre.
Entre yaus .ii. se sont mis a voie ;
Homs ne femme ne les convoie,
Car moult bien y scet le chemin
Fromonde, qui tamaint matin
Et maint soir y avoit esté.
Il n’ont nulle part arresté ;
Venu s’en sont jusc’au chastiel.
Li portiers les a bien et biel
Recueilliés et mis en le porte :
Ce fu drois, puis c’on lor aporte.
Encores donna en entrant
Melyador, droit la errant,
Au portier .i. biel anelet.
Se dist cilz : « Veci vo varlet,
« Biaus maistres, et tres grans mercis. »
Melyador, qui fu noircis
D’abit ossi noir c’une aronde,
Va ensi que dame Fromonde
Le mainne laiens et pourmainne.
Dame Fromonde si le mainne
A l’uis de la cambre Argentine
Et la demanda s’Ermondine
Estoit encore appareillie,
Et ceste, com bien consillie,
Li dist : « Oïl, je vois vers li. »
Adonques de sa chambre issi,
Si s’est trette devers sa dame,
Et li dist tout ensi : « Par m’ame,
Page:Froissart - Méliador, tome 2.djvu/87
Le texte de cette page a été corrigé et est conforme au fac-similé.
83
Méliador
