« Certes, dame, ci me tenés
« Ensi c’un oiselet en gage.
« Si ne me laissiés mon langage f. 155 b
« Perdre, car tous li cuers y est
« Et, se plus avant il vous plest
« Ces paroles prouver en voir,
« Vous devés, ma dame, savoir
« Que, soit ou a .i. ou a .ii.
« Chevaliers bien enventureus,
« Je moustrerai ce que sçai faire. »
Lors s’ala Agamanor taire,
Et Phenonée le regarde,
Qui ossi .i. peu se retarde.
e n’est mies trop grant merveille
Se Phenonée s’esmerveille,
Quant elle ensi se voit priie
En signe de grant courtoisie
Pour s’amour avoir, et d’un homme.
Tout ce li samble .i. grant fantomme,
Et ne scet mies que respondre.
Toutes fois sens l’ala semondre
Pour parler ; si dist en basset :
« Vostre parole voir me met
« En doubtance, et ne sçai pour quoi.
« Vous partirés .i. peu de moy
« Et irés en la cambre arriere,
« Par devers nostre camberiere ;
« Sempres vous ferai rappeller. »
Cilz n’osa dire, c’est tout cler,
Dou non ; mais dist : « Ma chiere dame,
« A vo commandement, par m’ame. »
A ces parolles s’est retrais
Et ot la camberiere trais,
Qui moult bellement le recueille.
Page:Froissart - Méliador, tome 2.djvu/348
Le texte de cette page a été corrigé et est conforme au fac-similé.
344
Méliador
