Lyones, en ce couvenant,
S’est levés et apparilliés ;
Ses chevaus fu tost estrilliés,
Car li forestier li aida.
Ançois que li solaus leva
Parti Lyone[s] dou manoir.
Encor peurent la remanoir
Agamanor et ses varlès,
Et sachiés bien que Bertoulès
Eut bien noté et retenu
Tout le recort tel que tenu
Li a li chevaliers la nuit.
Aucunement y prist deduit,
Car il scet bien c’a ce premiers
Ses mestres l’ora volentiers.
r se sont parti dou manoir
Le forestier, sans remanoir,
Agamanor et Bertoulès,
Quant leurs afaires fu tous près,
Et si prendent a cevaucier f. 147 b
En costïant .i. bois plenier.
Ce dist Bertoulès a son mestre,
Qui s’en vint sus le lés senestre :
« Sire, dittes moy se savés
« Comment la nuit dormi avés. »
Et cilz li respondi : « Moult bien.
« Toute la nuit n’ai villiet rien,
« Mais en dormant m’estoit avis
« C’on recordoit aucun devis ;
« Nompourquant, dont merveilles ay,
« Onques je ne m’en resvillai.
« Entre toi et ce chevalier
« Quel cose aviés a consillier ?
« Maintenant je le te demande. »
Page:Froissart - Méliador, tome 2.djvu/316
Le texte de cette page a été corrigé et est conforme au fac-similé.
312
Méliador