« Voires, s’a merci te voel prendre. »
— « Sires, » dist Frotaus, « je me rens
« Et vous jurrai devant ces gens
« A faire ce que vous vodrés ;
« Et vous pri que vous me prendés
« A merci et ces deus ossi,
« Qui la sont cheü, par ensi,
« Que nous ferons vostre voloir. »
Dist Melyador : « Tu dis voir.
« Voirement le vous couvient faire. »
Melyador, sus cest afaire,
Li fait son hÿaume roster.
A nu chief li fait la jurer
Qu’il gardera le dit passage,
Sans villonnie et sans l’usage
Tenir qu’il ont tenu devant.
Encores dist il plus avant,
Et une cose moult estragne,
Que contre nullui de Bretagne
Ne se poeent jamais armer.
Tous ces poins leur a fait jurer
Melyador li damoisiaus,
Et puissedi s’est partis d’yaus,
Et chevauce sur la riviere f. 141 d
De Clarense, qui est moult fiere :
La ou il est, a cel endroit,
.Ii. liewes a au plus estroit.
r revenons a Phenonée,
Qui fort estoit enamourée
Dou chevalier bien tournoiant.
Souvent va merencoliant
Sus ces .ii. dont elle a nouvelles,
Et quoi qu’elle ait des damoiselles,
A nulle son cuer ne descuevre.
Page:Froissart - Méliador, tome 2.djvu/294
Le texte de cette page a été corrigé et est conforme au fac-similé.
290
Méliador
