« C’a tous chevaliers no raison
« Remoustrissions voirement,
« Car en yaus en tient grandement
« Dou consillier et mettre a point.
« Tantost vous orés sur quel point.
«
hiers sires, dessus la Saverne
« Siet li biaus chastiaus de Valerne,
« Dont ma dame et cousine chiere,
« Yvore, est dame et hiretiere.
« Or est seans a l’autre part,
« La riviere seul le depart,
« Uns chastiaus c’on dist Orgilleus,
« Ou dedens demeure uns tres preus
« Chevaliers et de grant emprise,
« Et c’on ressongne moult et prise
« Dessus les marces de Norgalles.
« Et ne tenés mies a gales
« Les parolles que je vous baille,
« Car cilz preus chevaliers sans faille
« Nul autre chevalier ne doubte.
« Et pour ce que on le redoute,
« Soit a la lance ou a l’espée,
« Ma dame, qui est aseulée
« Et voisine moult pres de li,
« En est en .i. trop dur parti ;
« Car cilz chevaliers le herie f. 132 c
« Et couvertement le guerrie,
« Et li voelt, si com par hansage,
« Tollir chastiel et hiretage,
« Ne nulz ne l’en va au devant.
« Or fu mis a ma dame avant
« C’a Signandon devoit avoir
« Une assamblée tout pour voir
« De chevaliers preus et hardis ;
Page:Froissart - Méliador, tome 2.djvu/257
Le texte de cette page a été corrigé et est conforme au fac-similé.
253
Méliador
