« Car hui .ii. fois trouvé se sont
« Et combatu moult fierement. »
Et cil qui ont grant hardement,
Et moult de vertu en leurs bras
Qu’il n’ont mies pesans ne cras,
Mais fors, et drois et aligniés,
Fierent et frapent, ce saciés,
Desus les hÿaumes amont.
Hardemens ensi les semont,
Ce poet on loyaument bien dire,
De l’un l’autre la desconfire.
hil doi chevalier dessus dit
Ne se combatent pas petit,
Mais longement et a leur aise,
Ce n’est pas drois que je m’en taise,
Car il font d’armes grans merveilles.
Et toutesvoies les vermeilles,
A une blanche dame en mi,
N’ont pas les blewes desconfi,
Car li place la li demeure,
Et me samble que pour ceste heure
Agamanor cheï a terre.
Et tantost le vinrent requerre
Li homme qui au tour estoient,
Qui au relever les aidoient,
Car autrement par verité
Point ne se fuissent relevé.
Tantost fu a cheval remis.
Or est il, ce dist, ennemis f. 119 d
Au chevalier au soleil d’or,
Quant bien batu l’a et encor
Fait jus aler de son cheval.
Agamanor parmi .i. val
S’en est venus, car on l’ensengne,
Page:Froissart - Méliador, tome 2.djvu/205
Le texte de cette page a été corrigé et est conforme au fac-similé.
201
Méliador
