« Avés vous donné a mon mestre.
« Mais, dittes, comment vous poet estre ?
« Estes vous navrés ne bleciés ? »
Et cilz, qui estoit tous cangiés
Dou dur cop qu’il ot receü,
Repondi lors qu’il l’a veü,
Et dist : « Compains, il me va mal.
« Voelliés moi rendre mon cheval ;
« Si ferés courtoisie grande.
« Tout souef irai ceste lande
« Tant que trouverai .i. manoir,
« Et la vodrai jou remanoir f. 101 a
« Jusc’a tant que garis serai. »
Bertoulès dist : « Je le ferai
« Volentiers, par l’ame mon pere ! »
Lors se part sus ceste matere
Et chevauce apriès le cheval
De Corbilier qui en .i. val
Paissoit et estoit arrestés.
Bertoulès, com tous aprestés,
Prent le cheval et le ramainne
Et fait monter a moult grant painne
Le chevalier qui bleciés fu ;
Et puis se li rent son escu,
Et son hÿaume li deslace.
Agamanor, qui se solace
A regarder la contenance,
Vient droit la, par bonne ordenance,
Pour faire encor une escremie,
Mais ses escuiers li escrie
Et dist : « Vous n’avés chi que faire.
« Bien voi, c’est cose necessaire,
« Ce chevalier faut reposer
« Avant qu’il puist jamais jouster,
« Tout ce vous di jou pour certain. »
Agamanor depuis la main
Page:Froissart - Méliador, tome 2.djvu/131
Le texte de cette page a été corrigé et est conforme au fac-similé.
127
Méliador
