Que vous avés oÿ compter
Est ou chastiel, c’on doit loer,
Toute la nuit jusques au jour
N’i eurent arrest ne sejour.
D’esbatre et de grant joie faire.
Se de tout voloie retraire
Trop longement y metteroie.
Trois jours furent en celle joie,
En .iii. nuis plainnes et entieres,
Dames et damoiselles chieres,
Et ossi jone chevalier
Qui ne voelent que festoiier.
Bien est certain que Phenonée,
Qui fricement fu ordenée,
Une pensée si le point :
De ce ne l’osteroit on point
Et dist en son avision,
Par bonne imagination, f. 99 c
Que cilz qui le pris conquis a,
Et qui si tres bien se porta
Au tournoy et si vaillanment,
Est ses freres certainnement.
Trop bien li plest a sa samblance
Li devis de la dame blanche,
Et dist que, pour l’amour de li,
Elle en portera une ossi
Et fera .i. droit chevalier
Sans entremuer ne cangier,
Ce dist, la devise a son frere,
Fors tant que cilz, c’est cose clere,
Qui son chevalier se tenra,
Sa blanche dame portera
.I. blanch faucon pour la brisure,
Et otant bien pour la droiture
Dou pris que conquis a ses freres.
Mais il fault toutdis que ses peres
Page:Froissart - Méliador, tome 2.djvu/125
Le texte de cette page a été corrigé et est conforme au fac-similé.
121
Méliador
