Melyador, li resjoïs
De toutes et de tous sans doubte,
Et est poursieuois a grant route
De gens, ensi qu’il s’en reva.
Le corps de Camel on leva
Et fu renvoiiés a Camois
Par .iiii. escuiers moult courtois
De ma damoiselle Florée.
Sa mesnie en fu esplorée ;
Ce fu raison, car il est telz
Que moult liés estoit ses hostelz,
Et moult cremus en celle lande
Des marces de Norchombrelande.
Je ne savoie c’un seul visce :
Orguilleus fu sans nul malice,
Et n’adagnoit ne ne doubtoit
Homme qui devant lui venoit.
Bien cuidoit estre li plus preus
Dou monde et li plus ewireus.
r sont retourné ou chastiel
De Montgriès, en tres grant revel,
Tout cil et celles de Florée,
Car il pensent que delivrée
Est leur terre de grant dangier.
Tout honneurent le chevalier
Au soleil d’or, c’est bien raisons.
Melyador, de cui le noms
Se commence moult a acroistre,
Ne volt mies adont cognoistre
Les .x. chevaliers qui sont la,
Les quelz chevaliers Florée a
En garde de par ce Camel,
Qui mors est ; on parlera d’el.
Mais, sans ent avoir cognissance, f. 68 b
Page:Froissart - Méliador, tome 1.djvu/345
Le texte de cette page a été corrigé et est conforme au fac-similé.
265
Méliador
