« L’ont assis et jugiet sur li.
« Bien a cause de traire avant,
« Car il a fait au jour d’ui tant
« Que la grasce li est nommée
« De pris et de grant renommée. »
Et puis crient a haute vois,
Si fort qu’en retentist li bois,
Tout ensi c’on jupe au haro :
« Horho ! horho ! horho ! horho ! »
il hiraut ensi se demainnent,
Qui longement tel vie mainnent,
Alant a senestre et a destre,
Tant c’on en poet tout lasset estre.
Mais, pour cose que criant voisent
Ne que parmi les landes noisent,
Onques chevaliers n’issi hors
En moustrant vïaire ne corps, f. 52 b
Mais en leurs logeïs se tienent.
Le cri des hiraus bien retienent,
Car il chevauchent moult priès d’yaus,
Par les quelz grans est li reviaus
Tant que de braire et de criier.
Toutdis portoient l’esprivier ;
Et quant il eurent tant alé
Que priès le bois environné,
Sus la lande viers le chastiel,
Il retournerent en reviel
Et dedens le chastiel entrerent :
Toutes les dames encontrerent
Qui recueillierent l’esprivier.
Adont veïssiés commencier
Grandes festes ens ou chastiel,
Apriès le souper grant et biel
Qui moult bien ordenés y fu,
Page:Froissart - Méliador, tome 1.djvu/282
Le texte de cette page a été corrigé et est conforme au fac-similé.
202
Méliador
