Dagorisès devers celi
Qui s’armoit de ce mi parti,
Si com il est dit chi dessus.
De li ne s’est pas trais ensus
Hermonicès, sachiés de voir, f. 42 d
Car faire voloit son devoir
De recueillier a sa parolle.
Dagorissès, qui biel parolle,
Li dist : « Chevaliers, par ma tieste,
« Se tout cil qui sont de la queste
« Estoient ossi bon que vous,
« Et ossi tres chevalerous,
« Moult seroient les aventures
« A l’encontrer fortes et dures. »
Ce respondi Hermonicès :
« Je ne vous vi ja onques mes,
« Mais tant m’avés donné a faire
« Qu’il me sera bien necessaire
« De .vii. ou .viii. jours reposer,
« S’ensi le volés acorder.
« Mais encor se vous vous metiés
« En arroi et vers moi veniés
« Pour combatre, je vous creant
« Ne me trouveriés recreant. »
Dist Dagorisès : « Bien le croi.
« Temprement serons au tournoi ;
« La mousterons nous no poissance,
« Tant que la plainne cognissance
« En vendra par devant les dames.
« Je croi que ce n’est pas nos blasmes,
« Se nous attendons jusc’adont. »
A ces mos, li chevalier ont
La cescuns repris son cheval,
Et chevaucierent en .i. val
Tout doi ensamble, ce m’est vis.
E les vous ensi departis ;
Page:Froissart - Méliador, tome 1.djvu/245
Le texte de cette page a été corrigé et est conforme au fac-similé.
165
Méliador
