Page:Flamel - Le Grand Éclaircissement de la Pierre Philosophale pour la Transmutation de tous les métaux, 1628.djvu/63

metail que vous voudrez, à sçavoir des deux luminaires, avec iceluy accompagnez autant de la moyenne substance comme nous declarerons au chapitre de X. & la torturez en un mortier de verre avec longue contrition, puis versez dessus si grande quantité de menstruë simple qu’il surnage de trois doigts, & après le mettez en digestion au bain par trois jours, puis par trois autres jours mettez au feu d’alteration, c’est à dire en cendre, & ce qui sera dissout, vous le verserez sagement en un autre vaisseau, de peur que les fesces ne se troublent, laquelle dissolution vous faut garder dedans le bain, & versez dessus les fesces qui n’ont esté dissoutes de nouveau menstruë comme dessus ; & vous recommancerez tant de fois que tout ou la plus grande partie se dissolve, puis mettez en putrefaction, & après distillez par cendre leger. A la fin augmentez le feu quelque peu, puis laissez refroidir le vaisseau, & estant froid, ostez le chappeau & son eau distillée, puis sur la matiere ou corps qui vous est demeurée en l’Urinal, vous y devez verser de son eau distillée