Pour cét effect, prenez la matiere qui vous est demeuree au fonds, comme gros miel espais ou comme poix noire[1], comme avons dit au Chapit. de B. & sur icelle mettez tant de sa mort à sçavoir flegme, qu’il nage de quatre doigts, & continuez ainsi tant que sa teinture ou partie onctueuse superfluë, se dissolve & sorte toute par distilation comme auparavant, puis laissez refroidir en lieu humide, il s’y produira des pierrettes rousses au fonds du vaisseau : puis versez doucement par inclination, & prenez lesdites pierrettes, apres reversez sur la matiere du flegme nouveau, & continuez la distillation jusqu’à tant qu’il ne face plus de pierrettes, Et mesmes meslez & dessechez tousjours tant que vous, ayez tiré la teinture, & alors vous demeurera une terre blanche, comme de diamant, laquelle vous essuyrez au Soleil ou chaleur semblable : Laquelle par apres, vous broyerez & mettrez en un vaisseau avec tant de son eau ou bien C. qu’il surnage de quatre doigts, puis bouchez avec son antenos, & faictes putrifier par trois jours, puis distillez legerement par cendre, & ainsi par ce regi-
- ↑ Voyez page 3.
