Page:Discours prodigieux et véritable d’une fille de chambre, XVIIe siècle.djvu/14

11

corps ; pour commettre le plus abominable, deſnaturé & deteſtable péché qui ſe puiſſe commettre : Dieu m’auoit creée creature raiſonnable, il m’auoit donné l’intellect & les ſens, i’en ay abusé, & me ſuis rendue irraiſonnable. Meßieurs, ie vous crie à tous mercy : & vous mes dames & damoiſelles, prenez exemple à ceſte pauure miſerable, laquelle eſt preſte d’eſtre reduite en cendre, pour ſon miſerable forfaict. Sur toutes choſes ie vous exhorte à quitter l’oyſiueté ; car c’eſt la mere de tous vices : ſi ie me fuſſe occupée à la lecture de quelques bõs liures ſaints, ou bien à quelque honneſte occupation, ſans doute le diable ne m’eut déceu, & ie ne fuſſe tombée en cet enorme péché : ie ne merite d’auoir aucune grace de vous, pour auoir perpetré vn ſi mal-heureux acte, contre la raiſon : neantmoins ie vous ſuplieray, au nom de Dieu ; de prier pour