Tut un yver, ceo m’est a vis,
380 conversa Milun el païs.
Plusurs bons chevaliers retint,
des i qu’aprés la paske vint,
qu’il recumencent les turneiz
e les guerres e les desreiz.
385 El Munt Seint Michiel s’asemblerent ;
Norman e Bretun i alerent
e li Flamenc e li Franceis ;
mes n’i ot guaires des Engleis.
Milun i est alez primiers,
390 ki mult esteit hardiz e fiers.
Le bon chevalier demanda,
Asez i ot ki li mustra
de quel part il esteit venuz
e ses armes e ses escuz.
395 Tuit l’orent a Milun mustré,
[Bl. 169b] e il l’aveit bien esguardé.
Li turneiemenz s’asembla.
Ki juste quist, tost la trova ;
ki alkes volt les rens cerchier,
400 tost i pout perdre u guaaignier
en encuntrer un cumpaignun.
Tant vus vueil dire de Milun :
mult le fist bien en cel estur
e mult i fu preisiez le jur.
405 Mes li vaslez dunt jeo vus di
sur tuz les altres ot le cri,
380 H al — 382 H desques pres, S de si quapres, vgl. Ch. 72 — 384 S tornoiz aus V. 383 wiederholt — 385 H Al — 388 des] H de (—1) — 390 H esteit bons chevalers (aus V. 391), S estoit hardiz e fiers — 392 H cunta, S mostra — 394 H a ses armes a ses — 397 S asembla — 399 S onques — 400 H tost pout (—1), S tost i puet — 401 H en fehlt (—1) ; S son comp. — 406 S ot lotri
381 cheualers retient — 382 desques ; uient — 383 kil — 384 gueres ; dereiz — 385 H Michel, S Michiel — 386 Normein — 388 gueres — 389 ale primers — 390 que mut — 391 cheualer — 393 queil — 395 H Tut, S Tuit ; leurent — 396 esgarde — 397 turneimenz — 399 aukes — 400 gaignier — 401 cumpainun — 402 uoil — 403 mut — 404 mut ; preisez — 405 uallez — 406 autres
