Page:Die Lais der Marie de France, hrsg. Warnke, 1900.djvu/342

Le texte de cette page a été corrigé et est conforme au fac-similé.

Unques ne vint en nul estur
que l’en nel tenist al meillur.
325 Les povres chevaliers amot ;
[Bl. 168d] ceo que des riches guaaignot
lur donout e sis reteneit,
e mult largement despendeit.
Unques sun voel ne surjurna.
330 De tutes les terres de la
porta le pris e la valur ;
mult fu curteis, mult sot d’onur.
De sa bunté e de sun pris
vait la novele en sun païs
335 que uns damisels de la terre,
ki passa mer pur sun pris querre,
puis a tant fet par sa pruësce,
par sa bunté, par sa largesce,
que cil ki nel sevent numer
340 l’apelouent partut Senz Per.
Milun oï celui loër
e les biens de lui recunter.
Mult ert dolenz, mult se pleigneit
del chevalier ki tant valeit,
345 que, tant cum il peüst errer
ne turneier n’armes porter,
ne deüst nuls del païs nez
estre preisiez ne alosez.
D’une chose se purpensa.
350 Hastivement mer passera,
si justera al chevalier

324 H a, S au — 327 S e si — 328 S e fehlt (—1) — 330 S celes terres la — 332 HS sot honur — 335 S li d. — 336 H sun fehlt (—1) — 338 S son enging — 339 S ne porent — 340 H lapelent (—1), S lapeloient — 342 S regreter — 343 S fu — 345 H pur tant


323 H Vnc, S Onques — 325 cheualers — 326 gainot — 328 mut — 329 H Vnc, S Onques ; uoil — 330 teres — 332 mut ; mut — 334 veit — 335 un ; tere — 336 quere — 337 ad — 339 seiuent — 340 Sanz — 343 Mut ; dolent mut — 344 cheualer que — 346 H ne armes, S narmes — 347 nul — 348 preisez — 349 De une