La buche li baise e le vis ;
puis si li dit : ’Bels, dulz amis,
mis quers me dit que jeo vus pert ;
veü serum e descovert.
Se vus murez, jeo vueil murir ;
550 e se vus en poëz partir,
[Bl. 143d] vus recoverrez altre amur,
e jeo remeindrai en dolur.’
’Dame’, fet il,’nel dites mes !
Ja n’aie jeo joie ne pes,
555 quant vers nule altre avrai retur !
N’aiez de ceo nule poür ! ’
’Amis, de ceo m’aseürez !
Vostre chemise me livrez !
El pan desuz ferai un pleit ;
560 cungié vus doins, u que ceo seit,
d’amer cele kil desfera
e ki despleier le savra.’
Il li baille, si l’aseüre ;
le pleit i fet en tel mesure,
565 nule femme nel desfereit,
se force u cultel n’i meteit.
La chemise li dune e rent.
Il la receit par tel covent,
qu’el le face seür de li
570 par une ceinture altresi,
546 Beus duz — 547 quors — 549 Si ; murrez ; uoil — 550 si — 551 recouerez autre — 554 neie — 555 nul autre auerai — 557 me as. — 559 plait — 560 cunge ; ke — 561 de am. ; desferat — 562 despleer ; sauerat — 564 plet ; teu — 566 si ; cutel — 569 quo ele — 570 autresi