par cele fei que jeo dei vus.
345 Dedenz cest clos m’a enserree.
N’i a fors une sule entree ;
uns vielz prestre la porte guarde :
ceo doinse deus que mals feus l’arde !
Ici sui nuit e jur enclose ;
350 ja nule feiz nen iere si ose
que j’en isse, s’il nel comande,
se mis sire ne me demande.
Ci ai ma chambre e ma chapele,
ensemble od mei ceste pucele.
355 Se vus i plest a demurer,
tant que vus mielz puissiez errer,
volentiers vus sojurnerum
e de bon quer vus servirum.’
[Bl. 142b] Quant il a la parole oïe,
360 dulcement la dame en mercie ;
od li sujurnera, ceo dit.
En estant s’est dreciez del lit ;
celes li aïent a peine.
La dame en sa chambre l’en meine.
365 Desur le lit a la meschine,
triers un dossal ki pur cortine
fu en la chambre apareilliez,
la est li dameisels culchiez ;
344 ke — 345 mad enseree — 346 ad — 347 vn uiels ; garde — 348 doins ; mal feu — 350 fiez — 351 io en ise — 352 si ; sires — 355 Si — 356 pussez — 357 volenters — 358 queor — 359 ad — 360 ducement — 361 suiurnerat — 363 cest drecie — 366 que — 367 apareillez — 368 cuchez