compoſe que comme vue meſme choſe auecque luy. Toutes les erreurs qui procedent des ſens y ſont expoſées, auec les moyens de les euiter. Et enfin, i'y apporte toutes les raiſons deſquelles on peut conclure l'exiſtence des choſes materielles : non que ie les iuge fort vtiles pour prouuer ce qu'|elles prouuent, à ſça|uoir, qu'il y a vn Monde, que les hommes ont des corps, & autres choſes ſemblables, qui n'ont iamais eſté miſes en doute par aucun homme de bon ſens ; mais parce qu'en les conſiderant de prés, l'on vient à connoiſtre qu'elles ne ſont pas ſi fermes ny ſi euidentes, que celles qui nous conduiſent à la connoiſſance de Dieu & de noſtre ame; en ſorte que celles-cy ſont les plus certaines & les plus euidentes qui puiſſent tomber en la connoiſſance de l'eſprit humain. Et c'eſt tout ce que i'ay eu deſſein de prouuer dans ces ſix Meditations ; ce qui fait que i'obmets icy beaucoup d'autres queſtions, dont i'ay auſſi parlé par occaſion dans ce traitté. |
—————
