Page:De Pisan - Œuvres poétiques, tome 1.djvu/281

XXI^[1]

(Christine fait hommage à Charles d’Albret de son
poème « Du Débat de deux Amans. »)

Bon jour, bon an et quanqu’il puet souffire
De bien, d’onneur et de parfaitte joye,
Mon redoubté seigneur, d’Alebret sire,
Charles poissant, pri Dieu qu’il vous envoie
Ce jour de l’an qui maint bon cuer resjoie,
Et vous présente
Cestui livret, que j’ay fait par entente,
Ou est escript et la joye et la peine
Qu’ont ceulz qu’Amours met d’amer en la sente,
Si le vueilliez recepvoir pour estreine.

Et s’il vous plaist a l’ouïr ou le lire,
De deux Amans orrez qu’Amours maistroie
Si a entr’eulx debat ; car l’un veult dire
Qu’Amours griefve trop plus qu’elle n’esjoie,
L’autre dit non et que plus bien envoie,
E a Patente
De jugement, lequel a mendre entente
Se soubzmettent et a sentence pleine ;
C’est nouvel cas a journée présente,
Si le vueilliez recepvoir pour estreine.

Et non obstant qu’ayent voulu eslire
Mon seigneur d’Orliens que leur fait voie
Et juge en soit, ne vueilliez cscondire
Leur bon désir, car chascun d’eulx vous proye

1. XXI. — manque dans B