Page:De Pisan - Œuvres poétiques, tome 1.djvu/258

Loz doit avoir sur tous en toute place
Qui es vertus du tout son cuer affiche ;
Tel tresor a que fortune n’efface ;
Car qui est bon doit estre appelle riche.

Ne l’en ne doit une pomme pourrie
Riche mauvais prisier, quoy qu’il embrace,
Ne lui louer ; car c’est grant desverie
De loz donner a mauvais, quoy qu’il face ;
Mais au vaillant, qui a tout honneur chace,
Apartient loz, s’il n’est aver ne chiche,^[1]
Des biens qu’il a soit large en deue place ;^[2]
Car qui est bon doit estre appelle riche.

Princes vaillans et de gentil attrace,
Ne souffrez pas vaillantise estre en friche ;
Poursuivez la, ne vous chaut d’or en masse ;^[3]
Car qui est bon doit estre appelle riche.

II^[4]

[Éloge de Charles d’Albret.]

Or est Brutus ressuscité,
De qui Bretaigne fu nommée,^[5]
Et qui de Romme la cité^[6]
Fu consule, et qui mainte armée
Fist en son temps, et tant fu sage,
Preux, vaillant et plein de bernage,
Qu’a tousjours renom en remaint,

1. I. — 22 A¹ si n’e. —
2. — 23 A¹ D. b. q. a dont grant trésor on masse — B ou g. t. amasse
3. — 27 B¹ a masse
4. II. — La 3^e ballade dans B —
5. 2 A¹ Du quel
6. — 3 B Qui puis