Page:De Pisan - Œuvres poétiques, tome 1.djvu/257

AUTRES BALADES

---

CI COMMENCENT PLUSEURS BALADES DE DIVERS PROPOS

I

Assez acquiert trésor et seigneurie,
Trés noble avoir et grant richece amasse,
Qui par bonté, qui nul temps n’est perie,
Acquiert honneur, bon renom, loz et grace.^[1]
Car ou monde n’est chose qui ne passe
Fors que bienfait, tout ne vault une miche^[2]
Autre trésor ne chose que l’en brace ;
Car qui est bon doit estre appelle riche.

Et bonté faitte est haultement merie.^[3]
Car Dieu le rend, et qui le bien porchace^[4]
Acquiert honnour, soit en chevalerie
Ou aultre estât, qui des bons suit la trace.

1. I. — 4 A¹ conqueste h.
2. 6 A¹ F. qui b.
3. — 9 B Et b. est si h.
4. — 10 B Que D.