Le texte de cette page a été corrigé et est conforme au fac-similé.
32
Je vous vens l’espée de guerre.
— Que venez vous cy entour querre,
Sire, qui si bien savez faindre
Le loial amant et vous plaindre ;
Par vous sont maintes barguignées,
Blanches, brunes, ou bien pignées ;
Si alez hors de no dongier
Ailleurs voz roisins vendengier.[1]
33
Je vous vens la fleur d’acolie.
— Je suis en grant melancolie,[2]
Amis, que ne m’aiez changée ;
Car vous m’avez trop estrangée,
Dittes m’en le voir, sanz ruser,
Sanz plus me faire en vain muser.
34
Je vous vens la branche d’olive.
— Ou monde n’a femme qui vive
Que je vueille servir fors vous.
Si me retenez donc sur tous,
Belle plaisant de moy chérie.
Ne soiez vers moy rencherie.
35
Je vous vens la fleur d’ortie.
— Je suis d’amours bien sortie ;[3]
