Page:De Pisan - Œuvres poétiques, tome 1.djvu/239

Amis, pour nous agaitier ;^[1]
Si querez autre sentier
Quant vers moy venir devrez
Et Teure sonner orrez.

8

Du dieu d’amours vous vens le dart
Qui m’a navré par le regart
De voz beaulx yeulx, dame jolie,
Qui a vous amer si me lie
Que j’en seray a mort livré
Se par vous ne suis délivré.^[2]

9

Du pré d’Amours vous vens l’usage.
— Pas n’apert a vostre visage
Que vous soiez d’amours malade ;
Car la maladie est moult sade
Dont le visage en riens n’empire,
Mais tel n’a nul mal qui souspire.

10

Je vous vens la fleur de lis.
— Vray amant doit estre jolis,
Sage, courtois et bien apris,
Amer honneur, armes et pris,
Loial, secret et sanz amer.^[3]
Qui tel l’a bien le doit amer.^[4]

1. 7. — 3 A² Doulx a. p.
2. 8. — 6 B Se p. v. n’en s. d.
3. 10. — 5 A¹ S. l. et s. a.
4. — 6 A¹ b. la d. a.