Le texte de cette page a été corrigé et est conforme au fac-similé.
Et pour moy du tout asservir
A vous, ainsi qu’il apertient.
De mieulx en mieulx vous vueil servir.
Mais ne me vueilliez desservir
De joye, se mon bien avient ;
Car pour vo vouloir assouvir
De mieulx en mieulx vous vucil servir.
XXXVI
Helas ! le trés mauvais songe
Que j’ay ceste nuit songé,
Fait que mon cuer toudis songe.
Oncques ne retint esponge
Mieulx chose, certes, que j’é,[1]
Helas ! le trés mauvais songe.
Mais ne me dit chose dont je
Doye esperer que congié ;[2]
Dieux doint que ce soit mençonge,
Helas ! le tre’s mauvais songe.
XXXVII
Trés doulce dame, or suis je revenu
Prest d’obeïr, s’il vous plait commander,
Comme vo serf vous me pouez mander.
