Et pour retour de ce voiage,
Je vous laisse mon cuer en gage.
— Amis, vostre departement
Petitement mon cuer renvoise,
Et se m’oubliez nullement,
Il ne sera nul qui racoise
Mon dolent plour. A basse noise
Vous di a Dieu, et pour partage,
Je vous laisse mon cuer en gage.
— Belle, sachiez certainement
Que, pour dame ne pour bourgoise,
Ne vous oublieray vraiement ;
D’autre amour ne donne une boise,
Tost revendray comment qu’il voise,
Et de vous renvoier message,
Je vous laisse mon cuer en gage.
LXXV
e me vueilliez pas oublier
Pour tant si je vous suis lontains,
Belle, je vous vueil supplier
Qu’il vous souviengne que je n’aims
Fors vous, et pour tant, se je mains
Hors du païs si longuement,
Ne vous oubli je nullement.
Ce me feroit com fol lier,
Et com dervez, et piez et mains,
S’a aultre veoie alier
Vostre doulz cuer, mieulz vouldroie ains
Morir que part y eussent mains ;
