parce qu’un autre l’a proposée ? Cependant les Genereux imprudens tombent à toute heure dans ces Abysmes, & heurtent sans cesse contre ces Escueils : Ne pouvant parvenir à la premiere gloire de la Vertu, qui seroit de ne point faillir ; ils negligent la seconde, qui est de sçavoir r’habiller ses fautes : Ne pouvant estre parfaits, ils ne veulent point estre penitens.
Quelque cause, bonne ou mauvaise, qu’ils ayent embrassée d’abord, ils apportent une obstination aveugle à la soustenir, & disputent aussi violemment pour le moindre de leurs sentimens, que pour la Religion de leurs Peres. Volontiers ils seroient Martyrs de leurs Opinions. Ils continüent tousjours le Mal commencé, pour monstrer qu’ils entreprennent, avec jugement, ce qu’ils font, avec perseverance.
Si une proposition qu’ils ont mise en avant, par maniere de discours, & qu’ils ne croyent point veritable, vient à estre
