11. Qui ne veulent point sortir de leur logis quand il y a des gens de vie scandaleuse,
12. Qui souffrent quelque scandal public en leur famille, particulièrement quand il y a des filles.
13. Qui ne se veulent point réconcilier auec le prochain.
14. Qui ne veulẽt point suiure les aduis de ceux qui sont proposez pour les conseiller.
15. Qui font mauuais mesnage en leur famille, ou qui mal-traittent leurs femmes apres en auoir esté repris, sauf à donner quelque chose à la femme en particulier si elle en est digne.
Et generalement ceux qui ne sont pas iugez dignes par la Compagnie pour autre cause suruenante & motiue d’exclusion.
Toutes lesquelles causes d’exclusion peuuent cesser neantmoins en se remettant par les Pauures en leur deuoir, & satisfaisant à ce que l’on désire d’eux, ce qui depend de connoissance de cause & d’examen de l’Assemblée de la Parroisse.
