bien possible, & empescher tout le mal possible dans l’estenduë de la Parroisse.
A cét effet ils partageront la Parroisse en diuers quartiers & cantons, se chargeront les vns & les autres de chacun d’iceux pour en faire la visite de mois en mois, y remarquer ce qui sera pour ou contre la gloire de Dieu & qui regarde le bien du prochain, & en faire le rapport à la Compagnie, pour y apporter les remedes & soulagemens conuenables.
Ils trauailleront à empescher les mauuais lieux, Tabacs, Academies, Brelans, Scandales publics, Blasphêmes, impietez, & tous autres desordres qui pourront venir à leur connoissance, par lesquels Dieu est des-honoré & le prochain mal edifié.
Que les Cabarets & Ieux de boule soient fermez pendant le Seruice, & qu’il ne se vende de la viande en Caresme qu’aux personnes qui en ont besoin.
Ils procureront que les petits Enfans de l’vn & l’autre sexe, soient instruits en leur creance & en tous exercices conuenables à leur estat.
