les vns & les autres seront commis pour en faire leur rapport à la quinzaine ou à quelque seance extraordinaire si la chose est pressée.
Les emplois de la Compagnie, sont les besoins generaux & particuliers de la Parroisse spirituels & temporels, les abus de pareille nature & les remedes.
La fin, d’y donner ordre selon son pouuoir, empescher tout le mal possible, & procurer tout le bien possible.
L’empeschement du mal consiste principalement.
A procurer qu’il n’y ait point dans l’estenduë de la Parroisse, d’impietez, blasphesmes, scandales publics, de mauuais lieux, de Berlans, de Tabacs, d’Academies, & autres semblables, & ce par les voyes ordinaires, charitables, Euangeliques, excitatiues, soit enuers les personnes interessées, ou Superieurs & Magistrats.
Empescher la perte des filles, les retirer du mal, les entreprises des Reli-