Page:Chrétien de Troyes - Roman de Perceval le Gallois - MS 248.pdf/93

Gifflez cui li rois comande
Et messire. y. qui comande
Toz cels qui a lui sacompaïgnent
Et li rois lor dit quil preignent
Le cheval. sil conduient
En cele chambre ou se deduient
Les damoiseles la reine
Et li chevals li encline
Cil cui li rois lot comandé
Len ont ？ ques chambres mene
Si lui mostrerent la pucele
Et cil li conta la novele
Tele con oir la voloit
Qui de la buffe se doloit
Qui li fu en la joe assise
De la buffe qui le ot prise
Estoit ele bien respasséé
Mais obliéé ne passéé
La honte navoit ele mie
Car moult est malvais qui oblie
Sen li fait hennui ou laidure
Dolor trespasse et honte dure
En home viguoros et roide
Mais al malves muert et refroide
Clamadeus a fait son message
Puis le retint tot son aaige
Li rois de cort et de meisniéé
Et cil qui avoit dereisniéé
Vers lui la terre et la pucele
Blancheflor sa mie la bele