Page:Chrétien de Troyes - Roman de Perceval le Gallois - MS 248.pdf/85

Issi furent remes laienz
Cel jor meismes uns mous venz
Ot par mer chacie une barge
Qui de froment portoit grant charge
Et daltres vitailles ert plaine
Si con deu plot entiere et saine
Fu devant le chastel venue
Cil del chastel qui lont veue
Envoient savoir et enquerre
Quil sont et quil vienent querre
Atant del chastel avalerent
Cil qui a la barge en alerent
Si demandent quel chose gent il sont
Er dont il vienent et ou il vont
Et cil dient marcheant somes
Qui vitaille avendre portomes
Pain. et vin. et bacons salez
Et bues et pors avons assez
Por tuer. si besoïgn estoit
Et cil dient beneoit soit
Deus. qui al vent dona la force
Qui ca nos amena la force
Et vos soiez tuit bien venu
Taisiez vos que tot est vendu
Si chier con vos le ？ vendre
Et venez tost vostre avoir prendre
Que vos ne poroiz descombrer
Por recevoir ne por numbrer
Pieces dor et plates dargent
Que vos doirons por le froment