Page:Chrétien de Troyes - Roman de Perceval le Gallois - MS 248.pdf/65

Et moult avez dit que cortois
Gre vos en lache. deus li rois
Quant vos prodome lapelastes
Onques plus voir ne parlastes
Moult est prosdom et lanz richier
Ice vos puis bien afichier
Et sachiez que ge sui sa niece
Mais nel vi moult a grant piece
Et certes puis que vos meustes
De vostre hostel ne coneustes
Plus prodome. mien esciant
Moult bon ostel. et moult riant
Vos fist car il le sot bien faire
Come prodome et debonaire
Puissanz. a aisiez et riches
Mais caienz na. que.v. miches
Cuns miens oncles qui est priors
Moult sainz hom et religios
Menvoia por sopar anuit
Et un bocel. plain de din cuit
De vitaille na plus caianz
Fors un chevrel. cuns miens serjanz
Con ？ hui main dune saiete
A tant comande que nom mete
Les tables. et eles sont mises
Et les genz a soper assises
Al mangier ont moult petit sis
Mais par moult grant talent lont pris
Apres mangier sen departirent
Cil remestrent qui se dormirent