Page:Chrétien de Troyes - Roman de Perceval le Gallois - MS 248.pdf/46

Sen vait tote une praerie
Mais en liave nentra il mie
Quil la vit moult parfonde et noire
Et assez plus corante que loire
Si sen ala selonc la rive
Vers une grant roche naive
Qui daltre part dehave estoit
Si liave alpie libatoit
A quatre parties del mur
Dont li quarrel estoient dur
Avoit quatre basses torneles
Qui moult estoient fortes et beles
Li chastials ifu bien seanz
Et bien aaisiez par dedanz
Et deavnt le chastel reont
A voir en liave fait un pont
De piere darain et de chauz
Li ponz estoit moult forz et hauz
Al chief del pont ot une tor
Bateilliée trestot entor
Et devant un pont torneiz
Questoit faiz et establiz
A ce que sa droiture porte
Le jor iert pont et la nuit porte
Li vaslez vers le pont chemine
Uns prosdom en robe dermine
Vint del chastel ？
Desus le pont et satent
Celui qui vers le pont venoit
Li prosdom en sa main tenoit