Page:Chrétien de Troyes - Roman de Perceval le Gallois - MS 248.pdf/25

Se vos nel sachoiz a la parsome
Que par lenon conoist en lome
Biau filz as prodomes parlez
Avoc les proudomes alez
proudome ne fors conseille mie
Cels qui tienent sa conpaïgnie
Sor tote rien vos voil proier
Que a eglise et a mostier
Ailloiz proier chascun ior
Quen cest siecle vos doinst henor
Et si vos doinst contenir
Qua bone fin puissiez venir
Mere fait il ou est eglise
Uns leus ou len fait le servise
Celui qui ciel et terre fist
Et homes et bestes imist
Et mostier ？ filz ce meisme
Une maison bele et saintisime
Et de cors seinz et de tresors
Si sacrefie len le seint cors
Jesu Christ la prophete sainte
Cui geu firent honte mainte
Traiz fu et jugiez amort
Si soffir angoisse de mort
Por les homes et por les fames
Que enfer aloient les almes
Quant eles proient del cors
Qu'il les engita hors
Il fu alestache liez
Batuz. et puis crocifiez