Vos doint il ？ que vo veïgniez
Quant li vaslez fu esloïgniez
Le giet dune pierre menue
Si se retorne et vit cheue
Sa mere al chief delpont ariere
Et jut iluec en tel maniere
Con sele fust cheue morte
Et cil cille de la reorte
Son palfroi parmi la crope
Et cil lenporte qui pas ne zope
ainz lenporte grant aleure
Parmi la grant forest oscure
Et chevalche des le matin
Tant que li jorz vint al declin
En la forest cele nuit jut
Tant que li jorz li aparut
Al matin al chant des oisiax
Se lieve et monte li vassax
Sa al chevalchier entendu
Tant que il vit un tref tendu
En une praerie bele
Lez le cors dune fontenele
Li trez fu biax a grant merveille
Lune partie fu merveille
Et lautre verz dorfrois brosdéé
De sus ot un aigle dorée
En liagle feroit li solauz
Qui moult estoit clers et vermauz
S’enreluisoient tuit li pré
Del enluminement del tré
Page:Chrétien de Troyes - Roman de Perceval le Gallois - MS 248.pdf/23
Cette page n’a pas encore été corrigée
