Page:Chrétien de Troyes - Roman de Perceval le Gallois - MS 248.pdf/18

Por revenir alor repaire
Que joie me voloient faire
Et lor pere qui puis nes vit
Qu’armes furent desconfit
Li uns enfu par armes mort
Dont fu li ？ moult grant et fort
Et de ce orent grant merveilles
Qua la corbeille et les corneilles
Andeus les ielz lor creverent
Issi la gent mort les troverent
Del duel dels.ii. murut li pere
Et ge ai vie moult amere
Sofferte. puis que il fu morz
Vos esteiez toz mes conforz
Que ge avoie et toz li biens
Car il ni avoit plus des miens
Rien plus ni avoit deu le sache
Dont me puist faire domache
Li vaslez entant moult petit
A ce que sa mere li dit
A mangier fait il me donez
Ne sai de quoi maraisonez
Mais moult iroie volantiers
Al roi. qui fait les chevals
Et girai. cui quil empoist
La mere tant con il li loist
Le retient. si le sejorne
Si lui appareille et atorne
De chenevaz une chemise
Et braies fautes a la guise