Page:Chrétien de Troyes - Roman de Perceval le Gallois - MS 248.pdf/13

Sil les virent il le diront
Et cil dient quil i iront
Avoc lui. se il les i maine
Jusqu’a cels qui sement lavaine
Li vaslez prent son chaceor
Et va la ou li herceor
Hercent les terres aréés
Ou les aveines sont seméés
Et quant il virent lor seïgnor
Si trenblerent tuit de peor
Et savez por quoi il le firent
Por les chevals que il virent
Quil avoc lui ？ voient
Car bien sevent. sil li avoient
Lor afaire dit et lor estre
Quil voldroit chevals estre
Et sa mere en istroit del san
Que destorner le cuidoit an
Que ja cheval. ne veist
Ne lor afaire na preist
Et li vaslez dit as boviers
Veistes vos. v. cheval
Et.iii. puceles par passer
Il ne finerent hui daler
Par ces destroiz font li bovier
Et li vaslez al chevalier
Qui tant avoit a lui parlé
Dist Sire par ci sont ale
Li cheval et les puceles
Mais or me dites les noveles