Page:Chrétien de Troyes - Roman de Perceval le Gallois - MS 248.pdf/103

Puis se rasist lez le seïgnor
Qui li portoit moult grant henor
Par laienz avoit luminaire
Si grant con len puet faire
De luminaire en un ostel
Quequ’il parloient dun et del
Uns vaslez dune chanbre vint
Qui une blanche lance tint
Enpoïgniéé par le mileu
Si passa par entre le fu
Et cels qui ？ se seoient
Estuit cil de laienz veoient
La lance blanche et le fer blanc
Sissoit une gote de sanc
Del fer de la lance ensomet
Et jusqua la main al vaslet
Coloit cele gote vermeille
Li vaslet de ce se merveille
Qui la nuit ert laienz venuz
Si sest del demand tenuz
Coment ceste chose avenoit
Que del chasti li sovenoit
Celui qui cheval. le fist
Quil enseïgna et aprist
Que de trop parler se gardast
Si crient se il le demandast
Que nel tenist a vilainie
Porce nel demanda il mie
Atant dui altre vaslet vindrent
Et chandeliers en lor mains tindrent