Page:Chrétien de Troyes - Roman de Perceval le Gallois - MS 248.pdf/101

？ vos avez grant jornéé faite
Vos meustes ainz que la gaite
Eust hui matin laube cornee
Ainz estoit ja prime sonéé
Fait li vaslez ce vos affi
Que que il parloient issi
Uns vaslez entre par la porte
En la maison et si aporte
Une espéé a son col une pendue
Si la al riche home rendue
Et il la bien demie treite
Si sot bien ou ele fu faite
Car en lespee estoit escrit
Et avoc ce encore i vit
Quele estoit de si bon acier
Que ja ne porroit de pecier
Fors que partot un sol peril
Que nus ne savoit fort cil
Quil avoit forgie et rempee
Li vaslez qui lot aportéé
Dist Sire la sore pucele
Votre niece qui moult est bele
Vos a envoie cest present
Ainc ne veistes mains pesant
De lonc ne de le quele a
Vos la danroiz cui vos plera
Madame seroit moult liéé
Sele estoit bien emploiéé
La ovele sera donéé
Onques cil qui forja lespéé