Renaus fu el mostier a la chiere menbrée ;
Grant denrée de pain a li bers aportée,
O mostier se tapi coiement, a celée,
Et a mengié son pain, mainte lerme a plorée.
De l’iaue de son cuer a sa face arosée,
Ses pechiez a plorez, et fist grant sopirée.
Hé Dex ! ce dist Renaus, qui feïs mer salée,
Sire, recevez m’ame quant du cors ert alée,
La Maugis mon cosin, s’il vos plest et agrée,
Et garisiez mes freres qui sont en lor contrée
Et mes fiz ensement et Charle l’emperere.
Ja mes ne le verrai, ce est chose provée.
Adont plora Renaus a la chiere menbrée,
Et cil l’ont avisé qui ont male pensée.
Li .III. montent amont en la grant tor quarrée,
Si ont gité la pierre que Renaus ot portée,
Trestot droit sor Renaut qui mengoit sa denrée.
Renaut ataint o chief a la chiere menbrée,
Et la pierre d’amont qui vint de grant volée
Et de si grant randon, qui fu grant et quarrée,
Desor le chief Renaut vint de tele avolée,
La cervele li est a la terre versée ;
Li cors est derm[or]ez, l’ame s’en est alée,
Saint Michier li arcanges l’a a Dieu presentée.
Li traïtor devalent par male destinée,
En .I. sac l’ont bouté sanz nule demorée,
Au Rin l’en ont porté dont l’iaue estoit lée ;
Puis l’ont geté dedenz, si font la retornée ;
Desique au mostier n’i ont fet arestée.
Dans la délibération des conseillers du roi Ys, dans la version donnée par les manuscrits B, C, A (voir plus loin à la description des manuscrits) le septième des barons est Bertrand, dont le nom rappelle celui de l’évêque de Bordeaux, Berthramn qui, d’abord partisan du prétendant, évita ensuite de se compromettre pour lui. Ceci peut être simple coïncidence et hasard, mais le discours de Bertrand a un autre intérêt. L’on y trouve présentées successivement deux formes de la légende sur les causes de la rupture de Charlemagne et
