Page:Castets - La Chanson des quatre fils Aymon, 1909.djvu/912

884

les quatre fils aymon

Quant [encontre] .ii. hommes [portant] par estovoir^[1]
18090Mortier en .ii. jailloiz por la pierre asseoir ;
Renoua lor fist jus metre, à la terre asseoir,
Et dist : « Ales à l’autre, por amor Dieu lo voir ;
Jel porterai tot bien o lo Jhesu pooir. »
Errament l’avoit pris [sans point de remanoir].^[2]
18095Il vint droit as maçons qui crient : « Bon espoir ! »^[3]
A toz livra mortier trestot à lor voloir,
Puis dit : « Or do bien faire, por amor Dex lo voir.
Ja ne saures tant faire n’entre vos aseoir
Que ge n’aport ases et trestot à pooir. »^[4]

18100Quant li maçon oïrent issi parler Renaut,
Durement se merveillent et en bas et en haut.
Renaus corrut arriere à la pierre qui faut,
A voloir en aporte, .i. mont a fait en haut.
Quant li maistres lo vit, si a dit en sorsaut :
18105« Sain[s] Pere a ci bon oir, se Damedex me saut.^[5]
Bon loier doit avoir par lo Dex qui ne faut.
A bandon lo metrai, si m’aït Dex de haut. »^[6]
« Maistres, ce dist li dus, qui vers lui fist .i. saut,
N’en ferai nul [outrage], par Jhesu qui ne faut. »^[7]

18110Quant heure fu venue qu’an dut huevre laissi[e]r,^[8]
Li maistres s’est asis par delés .i. clochier,
Et li ovrier i vienent que il devoit paier.
Celui qui miels enporte, si a tresel denier.^[9]
Li maistres vint avant, si commence à paier.

1. 18089 L contre. A a encontré. B encontra, L porte. A portant. B autre texte.
2. 18094 Sic B. L que molt avoit savoir. A si les prist demenois.
3. 18095 L qui crient bon espoir. B au maçon qui ouvroit par savoir. A Puis a dit ax maçons : Vous en en averoiz Et il passe à la laisse suivante.
4. 18099 B à trestous à pooir.
5. 18105 L Sain. B Bon ouvrier a saint Perre.
6. 18107 A volantiers, se il vaut, B Le mien li abandoins, par cheli qui ne faut.
7. 18109 Sic A B. L ostage.
8. 18110 Sic A B. L laissir.
9. 18113 A tresiax. B XIX.