Page:Castets - La Chanson des quatre fils Aymon, 1909.djvu/871

Le texte de cette page a été corrigé et est conforme au fac-similé.
843
les quatre fils aymon

Que il auront victoire, [ne seront] recreant.[1]
Mais comment que il preigne, molt firent bel samblant,
16890[Noblement s’apareillent com riche] combatant ;[2]
Destriers ont sejornés, si ont molt clers les branz[3]
Et bon[s] haubers et hiaumes et riches [garnemens],[4]
Et lor lignages vint qui fu [et] fors et grans.[5]
Quant li fel l’ont veü, molt [est] à lor talent ;
16895Damedex ont juré, lo pere roiaument,
Mar fu lo pere ocis, li hardis combatant.

Li termes vint au plain, il n’i e[s]t que tiers jors.[6]
Yvons de Montaubain i a fait bel ator.
Et ses freres [o] lui Aymon lo poigneor.[7]
16900Leu[r] hauberc furent blanc com fussent tuit de flor[8]
Si ont hauberc et hiaumes et bon dras de color ;
Et lor lignages vint que n’i a fait sejor.
Ogiers vint premerains, aveuc lui maint contor,
Et Torpins et Richars li noble fereor ;
16905Lor ami conforterent que il n’aient paor,
Car bien sevent de fi, il auront lo millor.
« Seignor, ce dist Aymons, se j’aie Dex amor,
Molt me vois merveillant, bien a passé tiers jor
Que mes [peres] ne vint à la fiere vigor. »[9]
16910« Et ge, ce dist Yvons, molt en sui [en] error,
Que il n’ait de son cors aucunes desannor. »
« Enfant, ce dist Ogiers, mar en aies paor.
Se il ne venoit mie por voir à vostre amor,
Ne [perdries] pas en lui la monte d’un tabor :[10]

  1. 16888 L se il sont.
  2. 16890 L Nobelement se pareille com riches.
  3. 16891 L mlt à lor.
  4. 16892 L bon... garnement.
  5. 16893 L fu fors.
  6. 16897 L et. A Li termes aprocha, n’i ot mais que .iii. jors. P est venut, n’i a mes que .iii. jors.
  7. 16899 L aveuc lui. A o lui, Aymez.
  8. 16900 L Leu. A Lor.
  9. 16909 L freres. A peres.
  10. 16914 L perdroit. A perdrienz.