Page:Castets - La Chanson des quatre fils Aymon, 1909.djvu/866

838

les quatre fils aymon

« Rohars, ce dist Costant, par toz les Sains de Troie,
Se ne m’estoit por pou, ge cuit [que] ge feroie^[1]
16745Ces .ii. garçons enflés por [qui] l’on fait tel joie.^[2]
[Lor] pere ocist lo mien, don li cuers m’atandroie. »^[3]
« Voire, ce dist Rohars, voier ne lo porroie,
Mais au ferir ici pas ne m’acorderoie. »

« Costant, ce dit Rohars, entendes que dirai.
16750Se [vos] me voles croire, à .i. en parlerai ;^[4]
Vos parleres à l’autre orendroit sans delai,
Que [par] grant traïson, [et si] lor proverai,^[5]
Lor pere ocist lo nostre, don à Charlon fist lai. »^[6]
« Frere, ce dist Costans, à .i. [an] parlerai.^[7]
16755Mais ce n’iert pas encore, ançois ferons essai
Comment se contendront et com feront grant plait.
Se nos les veïens, par la foi que vos doi,
Neier les porrions là defors en cest lai ;
Car leaument vos di que nus n’an amerai. »
16760« Frere dist li traïstres, et ge vos aiderai. »

Li enfant sont à cort qui molt bien se proverent.
A toz les haus barons servise presenterent.
Tant firent en pau d’eure que trestuit les amerent,
Fors que li fel linage qui toz jorz les blasmerent.
16765Il s’[aperceurent] bien que lor annemi erent,^[8]
Dont se trairent ariere que onques ne s’aperent,^[9]
Mais as autres barons les chiés pas ne [tornerent].^[10]
Do tot ce font il bien que tos les onorerent,
Qu’il n’ere[n]t pas eschars mais largement donerent,^[11]
16770Chevalx et palefrois et armes presenterent.

1. 16744 L cuit que lo. A Je cui que j’an ferroie.
2. 16745 L por que l’an. A de cui on.
3. 16746 L Lo. A Lor pere ocist le nostre.
4. 16750 L Se me. A Se vous me... l’un en apelerai.
5. 16752 L Que grant traïson lor lor proverai. A et si lor.
6. 16753 A ajoute : Et fu par traïson ; tot ainssin le dirai.
7. 16754 L aparlerai, le premier a exponctué. A Jel vous ottrierai.
8. 16765 L aperterrent. A s’an perseurent.
9. 16766 A ne onques n’i parlerent.
10. 16767 L tranchierent.
11. 16769 L eret.