Page:Castets - La Chanson des quatre fils Aymon, 1909.djvu/852

824

les quatre fils aymon

L’amiraus ot Renaut, s’anseigne a queneüe ;
16385Adonc ot tel paor, la color a perdue.

L’amiralz ot peor quant il entent Renaut.
Adonc tira sa regne, si a dit à Tiebaut :^[1]
« Amis, par Mahommet lo mien diex qui ne faut,
Mar entrames en Puille por Simon faire asaut ;
16390O lui a .i. diable, ves lo là en cel haut,
Cil à cel grant escu, icil lonc cel hurtaut ;^[2]
Il crie Montalbain don toz li cuers me faut.^[3]
Son paroil n’a el mont, se Mahomet me saut.
[Le roi Charlle] de France qui sor toz rois est haut,^[4]
16395A [il maté] de guerre et fait lo front [tot chaut].^[5]
Se ge à cop l’atain, or sui plus que ribaut.^[6]
S’or estoie à mes nes et mis en la mer haut^[7]
Adonc seroie aaisse molt plus qu’an cest toaut. »^[8]
« Sire, font li si home, de cel vassal que chaut ?
16400Se il estoient . c., par [Mahom qui ne faut,]^[9]
N’i duroient à vos, se n’estoit en sorsaut. »^[10]
« Seignor, ce dit li rois, icist plais rien ne vaut.
Ge n’i duroie mie, por quanque voie en haut. »^[11]
Adont tira sa resne, nes sa vertuz li faut.^[12]

16405Li amirals del Coigne a guerpi la tançon,^[13]
Vers ses nes vint poignant, à coite d’esperon,
Et si home apres lui qui miels miels de randon.

1. 16387 A Turaut. P Roaut.
2. 16391 A manque. P Il a .i. grant escu, vez com il se fet baut.
3. 16392 Sic L A. P manque.
4. 16394 L Li rois Charlles. P K. meïsmes. Régime d’un verbe du vers suivant.
5. 16395 L menacié... torshaut. P il maté... tot chaut.
6. 16396 A se ferai que. P pire sui que.
7. 16397 A P ma nef.
8. 16398 A que n’est bonz ci tonaut. P que li oisel en gaut.
9. 16400 Sic P. L Mahomet que chaut. A manque.
10. 16401 P durroient.
11. 16403 A Je n’i demorrai plus, se Mahomet me saut. P Je n’i demoeroie por can qu’on met en haut.
12. 16404 A manque. P car li cuers li defaut.
13. 16405 A Li amiraz s’en torne. P dou Coisne.