Page:Castets - La Chanson des quatre fils Aymon, 1909.djvu/849

821

les quatre fils aymon

16320« Ne vos esmaiez mie : se il vos mesavint,
Hui sera recovré ; se Dex plaist, mar i vint. »^[1]
Quant Symons ot Renaut, si gita ce qu’il tint,
Puis cria : « Or as armes, ja an i morra li quint,^[2]
Se Dex plaist et Renaut, qui ier matin nos vint. »

16325Là desus et palais s’adoba la mainié[e]^[3]
Et quant Puillain s’armerent, la bone gent dotée,
Renaus vesti l’auberc, la ventaille a fermée,
Et Maugis [si s’]arma que n’i fist demorée ;^[4]
Il jure Damedex qui fist la mer salée,
16330Q’ancontre Sarrazins n’iert sa vertuz [celée].^[5]
Qant Simons l’a oï, mervoille li agrée.^[6]
Maugis cort acoler, si a dit sa pensée :^[7]
« Ci a molt bon hermite, par la dame honorée ;^[8]
Quant il vient au besoig, bien set çaindre s’espée. »^[9]
16335« Voire, ce dist Renaus, [et donner grant colée]. »^[10]

Aval parmi Palerne est commencié la noisse.
Li baron si an issirent, n’i a nul qui s’[aquoise].^[11]
Li rois ala devant qui molt fort se [hernoise],^[12]
Et avec lui Renaus, dont il pas ne li poisse.
16340De Maugis ot tel joie, que il toz s’an envoisse.
« Maugis, ce dist Symons, se il ne vos en poisse,
Vos porteres m’enseigne, quel part que onques voisse. »^[13]
« Sire, ce dist Maugis, par les Sainz de Pontoisse,

1. 16321 A P serez recovrez.
2. 16323 A ja en i morra mil. P ja i morront, je cuit.
3. 16325 L mainie. A P sona on la menée.
4. 16328 L se arma. A c’est armez. P si s’arma.
5. 16330 L selée. A P celée.
6. 16331 A P durement li agrée.
7. 16332 L Maugist.
8. 16333 A Ici a bon hermite, par la virge honorée. P Ci a moult bon hermite, par Deu qui fist rosée.
9. 16334 A ferir d’espée.
10. 16335 L merveille li agrée (répété). Sic A. P deux vers : Et as païens doner mainte dure colée. Voire, ce dist Renaus, si soit m’ame sauvée.
11. 16337 L s’aquoie. A manque. P autrement et mauvais.
12. 16338 L hernoie. A qui mainne grant harnoise. P qui s’ahernoise.
13. 16342 A quelque part que je voise. P quel part que je voise (faux)