Page:Castets - La Chanson des quatre fils Aymon, 1909.djvu/825

797

les quatre fils aymon

An lor tantes s’escolchent, quant criés fu li ban.^[1]
Jusqu’au jor se dormirent, ainz mielz ne furent l’an.^[2]
Lendemain se leverent, s’alerent an [esrant],^[3]
[Et vont veoir Renaut] qui [ferma] Montalbain.^[4]

15815Levé sont li baron, à lor signor an vont ;^[5]
Li prince li demandent comment il lo feront,
Et cele sainte vile, se il hui l’asauront.
« Oïl, ce dist Renaus, par toz les Sains do mont.^[6]
Issi com il devissent de [quel part] i iront,^[7]
15820Portesoires ovrirent et paien issu sont ;^[8]
Quant li prince lo voient, aresteü i sont ;^[9]
A lor tentes corurent, lor armes prisses ont,^[10]
Et Renaus s’adoba, sa gent aidier li vont ;^[11]
Puis monta el cheval qui ot le col roont.^[12]
15825L’escu prent et la lance à un panoncel blont,^[13]
Et Maugis fu armés qui cria à cler [ton],^[14]
Hermites n’iert jamais se il vaincu ne sont ;^[15]

1. 15811 P Quant ont oï le ban.
2. 15812 A manque. P à l’aube dormirent, n’i soffrirent ahan.
3. 15813 L an eshram. A Quant il furent levé, Regnaut vont voir errant. P Puis se leverent sans nul demorement.
4. 15814 L Voit lo li cuens Renaus. P Et vont veoir Renaut. A manque, parce que, suivant son habitude, il a fait rentrer ce vers dans le précédent. Noter que le scribe écrit machinalement Montalbain, même quand la rime s’y oppose. — L forma. P ferma.
5. 15815 P à Renaut si s’en vont. A comme L.
6. 15818 A par Dé qui fist le mont. P par Dieu qui fist le mont.
7. 15819 L par Dex i iront. A P de quel part il iront.
8. 15820 A portezoirez.
9. 15821 A manque. P les voient, aresté si se sont.
10. 15822 A Adonc corent as armez li nobiles baronz. P A lor armes corurent et tantost armé sont. L’altération du texte est la même.
11. 15823 A s’adouba... aidié li ont. P ses gens aidié li ont.
12. 15824 A fait un vers de deux : Ou cheval est montez, prant l’escu à lion. P Sor .i. cheval monta.
13. 15825 A manque. P au penoncel reont (sic).
14. 15826 L tont. A arrier, si cria à haut ton. P armez qui cria à haut ton.
15. 15827 A n’iere huimais P n’est jamais. A ajoute deux vers dont l’un ne rime pas : Prant l’escu et la lance, saint le branc aceré. Puis monta à cheval sens nulle arestison.