Page:Castets - La Chanson des quatre fils Aymon, 1909.djvu/799

771

les quatre fils aymon

Par cel signor, [en crois] qui se laissa estendre,^[1]
15300Ne lairoie por home qui [vos] vossist deffendre,^[2]
Que vostre felonie ne vos face chier vendre.
Jamais ne mangereis, [tel saut vos ferai] prendre. »^[3]

Li rois fist Baiart penre ilueques maintenant.
Une mu[e]le li pent à son col par devant,^[4]
15305Et il fu sor le pont, si lo bota avant.
Baiars chaï en Muese qui froide est et corrant.
[Il va au fons de l’eve trestout demaintenant.^[5]
Quant le voit Charlemaignes, si en ot joie grant.
« Baiart, ce dist li rois, or ai quanque demant.
15310Je ne t’ai pas menti, tenu t’ai couvenant.]
Se ne poes tot boivre, ja morres pié estant. »^[6]
Quant François l’ont oï, si en ont mautalent ;^[7]
« Ogier, dist l’arcevesques, par Diex lo roiam[a]nt,^[8]
Molt est cruelx mes sires, ge m’en vois merveillant,^[9]
15315Quant une beste mue maine par tel samblant. »
« Fols est », dist Oliviers. « Voire », ce dist Rollant.^[10]
Ains n’i ot nus des pers, bien lo vos acreant,
Ne plorast por Baiart, lo bon cheval corrant.
Qui q’an demenast duel, Charles en fu joiant.^[11]

15320Or est Baiars en Muese que toz li mondes loe.^[12]

1. 15299 L de gloire. M Mez par cheli seignor qu’en crois se laissa pendre. A Foi que je doi cellui qui laissa son cor vendre. Michelant : en croix.
2. 15300 L se. M me seüst. A manque. Michelant : vos.
3. 15302 L ne ne porres reprendre. M tel saut vous feroi prendre. A Jamais ne mangerez ne de fain ne d’avene.
4. 15304 L mule. M muele. A mole.
5. 15307-15310 L omet ces quatre vers. Comme Michelant, je les prends de M ; il imprime fonds, convenant. — A résume : Baiars chaï en l’iaue, en fon va rouellant. Quant le voit Charlemaignes, si en ot joie grant. Baiart, ce dit li rois, or as ton paiement.
6. 15311 A Se tu ne puez tot boire, tu noieraz errant.
7. 15312 A manque : M l’entendirent.
8. 15313 L roiament. M roiamant. A abrège : Par Dé, ce dit Torpins, notre roi va desvant Quant une beste mue mainne si malement.
9. 15314-15315 M Moult est Kalles cruel, moult m’en vois merveillant Qu’à une beste mue a mené tel content.
10. 15316 A M Fox.
11. 15319 Sic L K. M manque.
12. 15320 A en l’iaue.