Aalars vint devant, o le corage fier ;
Devant [son] tref troverent Charlon lo droiturier.[1]
Alars parla premiers, qui [fu bon] latimier,[2]
Et salua Charlon et tuit si chevalier
De par Renaut son frere [que] il aime et tient chier :[3]
« Sire, et si vos mande qu’il a pris son sentier.[4]
Dan Richart vos envoie sain et sauf et antier. »[5]
« Amis, dist Charlemaignes, or li puist Diex aïdier. »
Lors corrut à Richart, si [le vint] enbracier ;[6]
Plus de .c. fois lo baisse ains que vou[ssist] lassier,[7]
Estols, li fils Odon, Berars de Mondidier.
« Richars, dist Charlemaignes, or nel deves noier.
Quel prison as eüe ? as tu eu que mangier ? »
« Sire, ce dist Richars, foi que doi saint Legier,
Ains n’ot millor prison sergent ne chevalier.
Sire fui del palais et trestoz jostissier. »
« Sire, ce dist Richars, antendes ma raison.
Ge vos pri et requier, por Diex et por son non,
Se vos onkes m’amastes par nesune façon,
Que vos portes honeur Aalart lo baron,
Et Richart et Guichart, [ice vos requeron].[8]
Penses de la duchesse, qu’ele n’ait [se] bien non,[9]
Car plus cortoise dame ne vesti ciglaton,
Ne sai millors enfans d’Yvonet et d’Aymon ;
Si sachiez bien de voir, [n’ont pere se vos non. »[10]
« Richars, dist Charlemaignes,] ja jor ne or fauron.
Quant il seront d’aage, chevaliers les feron ;
- ↑ 15262 L lo. M son.
- ↑ 15263 L qui ot le cuer latimier. M qui bien en fu manier.
- ↑ 15265 L qu’il aime. M que il.
- ↑ 15266 M Sire, vos quemant fet, ja a pris son sentier.
- ↑ 15267 L sains. M sain.
- ↑ 15269 L li cort. M Donc s’en vint à Richart, si le prist à baisier.
- ↑ 15270 Lettres effacées : ains que vou.... lassier.
- ↑ 15281 L qui nos donent maint don. On pourrait corriger : et lor dones maint don. Je suis M avec Michelant.
- ↑ 15282 L si. M se.
- ↑ 15285-15286 Le scribe a passé le second hémistiche d’un vers et le premier de l’autre. Complété sur A M.
