Page:Castets - La Chanson des quatre fils Aymon, 1909.djvu/747

719

les quatre fils aymon

Maint chevaliers verres les boiax traïner ;
Ja verres tel damage [d’aucune part] torner,^[1]
Se Dex n’en a merci, qui tot a à sauver,
Jamais ce vos porron envers lui acordeir. »
14015« Naime, ce dist li rois, ice laissies esteir,
Que je ne lo feroie por tout vif demembrer. »

Naymes oï lo roi qui n’a cure d’acorde,^[2]
Ains fait mandeir ses homes et des milleur se borde.
Puis en va vers Renaut ausinc droit comme corde.
14020Adonc parla Richars qui onques n’ama borde,
Et a dit à Renaut que male mors lo torde,
S’au roi ne se combat, qui ne quiert fors descorde ;
Ja à lui n’aura om pais ne misericorde.

Li ost furent josté li uns por l’autre ocire ;
14025Renaus sist sor Baiart qui a volenté vire ;
Cuers li fu revenus, maint jor ot esté pire,
[Renaus dit à Richart], oiant tot son empire,^[3]
Au roi [voldra] parler, belement, sans remire,^[4]
Et se il li voloit pardoneir son grant ire,
14030Sa volenté feroit, si com à son droit sire.
« Par Dieu, dist Aallars, ne vaut plain poing de cire ;
Fel est et orgoilloz, vees com il s’atire. »
« Cui chaut ? ce dist Renaus ; ge li veul encor dire.
M 369Se il ne veut le pais, par le cors de saint Cire,
14035Jamais ne li querrai, s’encor le veut desdire. »
« Bien dites, dist Guichars, or li sachies à dire. »

Renaus hurta Baiart un pou de l’esporon
Et Baiar[t] laisse corre par tel division,^[5]
Il ne s’en aloi[t] mie lo pas ne lo troton ;^[6]
14040Au menor saut qu’il fait envers lo roi Charlon,
Sailli il .xxx. piés devant lui el sablon.

1. 14012 L Damediex (pour Damedieu) pars torner. Je prends la correction de Michelant d’après M en raison du vers suivant.
2. 14017-14018 M. Naymes oï le roi, n’a cure d’acorder. Ains fet rengier sez homez et des meillors se borde.
3. 14027 Sic M. L Richars dit à Renaut.
4. 14028 L voldrai.
5. 14038 L Baiars.
6. 14039 L aloie. M Que il n’en ala.